അമ്മേ മാപ്പ്
അമ്മേ എനിയ്ക്കു മാപ്പു നിന്‍
ഗര്‍ഭപാത്രത്തിന്‍ ഇരുട്ടറയില്‍
കിടന്നു നിന്നെ ചവിട്ടിമെതിച്ചതിനു
അമ്മേ എനിയ്ക്കു മാപ്പ്.
എന്റെ ഭാരം പേറിയ
എനിക്കഭയം നല്‍കിയ
ഭൂമാതാവേ യെനിയ്ക്ക് മാപ്പു നിന്‍
മാറിടം ചവിട്ടിത്തകര്‍ത്തതിനു.
ഒരുകുപ്പി മദ്യത്തിനുവേണ്ടി
നിന്‍ മാനത്തിന്‍ വിലപേശിയതിനു
കുഞ്ഞുപെങ്ങളെ യെനിയ്ക്കു മാപ്പ്.
പ്രണയത്തിന്‍ നവമുകുളങ്ങള്‍
എനിയ്ക്കു തന്ന പ്രിയസതിയെ
നിന്നില്‍ കിളിര്‍ത്തതുപെണ്‍-
ഭ്രൂണമാണെന്നറിഞ്ഞപ്പോള്‍
ഹത്യ ചെയ്യിച്ചെനിയ്ക്കു മാപ്പ്.
ചരസിന്റെ മദ്യത്തിന്റെ ലഹരിയില്‍
കൊള്ളയുംകൊലയും ചെയ്യുമ്പോള്‍
പിടയുന്ന ജീവന്റെ തുടിപ്പുകള്‍
കാണുന്നതുന്മാദ ലഹരിയാണ്.
നന്ദിയുണ്ടേറെ യെനിയ്ക്കു നിന്നോടമ്മേ..
എന്നുള്‍ക്കണ്ണുതുറപ്പിച്ചതില്‍
മാംസ തീനികള്‍ അനുജത്തി തന്‍
ചാരിത്ര്യം പിച്ചിച്ചീന്തുന്ന
രോദനം കേള്‍പ്പിച്ചതില്‍.
അമ്മേ നിന്‍ ഗര്‍ഭപാത്രത്തില്‍ ജന്മം-
കൊണ്ടൊരീയസുരനു മാപ്പ്.
0 അഭിപ്രായങ്ങള്‍:
Post a Comment