അന്വേഷണം
തിരയുന്നു ഞാന്‍ സ്നേഹത്തെ.
അക്രമത്തിന്‍ ധ്വനികളോടു
ചോദിക്കൂ സ്നേഹമെവിടെ?
സ്നേഹംകൊതിക്കുന്ന മനുഷ്യനില്‍
അക്രമപ്പൂരിത-
ക്കൊടുങ്കാറ്റടിക്കുന്നു.
കാറ്റിന്റെ ശാന്തതയില്‍ തേടുന്നു
പിന്നേയും ഞാന്‍ സ്നേഹത്തെ
അധര്‍മ്മത്തിന്‍ കൈകളില്‍ കുടുങ്ങിയ
പിഞ്ചോമനകള്‍ പാടുന്നുവോ..
കേള്‍ക്കുവാന്‍ കാതുകള്‍ തേടിയപ്പോള്‍
ആയുധ ധ്വനികളിലടഞ്ഞ കര്‍ണ്ണങ്ങള്‍
സ്നേഹത്തെ തേടിയലയുന്ന മനസ്സുകള്‍
കേള്‍ക്കുന്നു മരണത്തിന്‍ ഗര്‍ജ്ജനങ്ങള്‍.
അധര്‍മ്മത്തിന്‍ തേരോട്ടത്തില്‍
ചലനമറ്റുവീഴുന്നു സ്നേഹങ്ങള്‍.
എവിടെ, ഇനി സ്നേഹമെവിടെ?
ശിരസറ്റുവീഴുന്ന മര്‍ത്യനോടു
ചോദിക്കാം സ്നേഹമെവിടെ????
0 അഭിപ്രായങ്ങള്‍:
Post a Comment