മാതൃത്വം

നിന്റെ ഓരോ കുതിപ്പും
എന്നിലേക്കുള്ള ദൂരത്തിന്‍
ആക്കം കൂടികൊണ്ടിരു-
ന്നപ്പോഴും ഞാന്‍
നിന്നോടടുത്തു.
ബന്ധം മറന്ന് സ്നേഹം
വറ്റിത്തുടങ്ങിയപ്പോള്‍
നിനക്കു ജന്മം നല്‍കിയ
മാതൃത്വത്തെ നീ മറന്നു.
എന്നിട്ടും ഞാന്‍ നിനക്ക്
മുള്ളിലും കല്ലിലും,
ചൂടിലും തണുപ്പിലും
കാവലിരുന്നു.
നിന്നിലേക്കെയ്യുന്ന
ശരങ്ങളെല്ലാം എന്റെ
മാറില്‍ ഏറ്റുവാങ്ങി.
അപ്പോഴും
കാമിനിതന്‍ വാക്കിനാല്‍
എന്റെ ഹൃദയത്തിനായ്-
നീ കേണു.
മടിയൊന്നുമില്ലാതെ
കരള്‍ പറിച്ചു കയ്യില്‍ തന്നു.
കാലൊന്നിടറി നീ വീണപ്പോള്‍
പിടിവിട്ടു പോയ എന്റെ
ഹൃദയമപ്പോഴും നീന്നോട്
ചോദിച്ചു മകനെ
നിനക്കു വല്ലതും പറ്റിയോ??