ഭൂമിയില്‍ ഒരുയാത്ര
ക്ഷിപ്രപ്രയാണം ചെയ്തു ഞാന്‍.
ഇണ്ടല്‍ ദുസഹമാം മനസ്സുമായി
നന്മയുടെ താഴ്വാരം തേടി യാത്രയായി.
നന്മ തന്‍ ആത്മാവ് വേരറ്റ
എന്‍ വിലാപങ്ങളില്‍
ഇരുട്ടിന്റെ കാളിമക്കര്‍ത്ഥം തേടി
ചെന്നുപെട്ടതൊരാഹവക്കളത്തില്‍.
അവിടെ കേട്ടതു സ്നേഹത്തിന്‍ മന്ത്രമല്ല
കര്‍ണ്ണകഠോരമാം ദുര്‍ഭിക്ഷരോദനം.
അവിടെയും കണ്ടതൊരമ്മ തന്‍ ലാളനയല്ല
നഗ്നമേനികള്‍ പിടയുന്ന രണഭൂമിയാണു.
വറ്റിവരണ്ട തൊണ്ട നനക്കുവാന്‍
തെളിനീരുറവയില്ല
നിര്‍ഘൃണര്‍ താണ്ഡവമാടിയ
മര്‍ത്യന്റെ രക്തപ്പുഴയാണു.
0 അഭിപ്രായങ്ങള്‍:
Post a Comment